Жаңалықтар

2023 жылғы 29 қарашада күн электр станциясының құрылысына жобаларды іріктеу бойынша бесінші аукциондық сауда-саттық өтті. Сауда-саттық ҚР БЭЖ Оңтүстік аймағы үшін белгіленген жиынтық қуаты 20 МВт бойынша өткізілді.

Аукциондық сауда-саттыққа қатысуға 12 компания жіберілді, сауда сессиясын өткізу барысында қатысушылар 32 баға ұсынысын берді. Берілген өтінімдердің жиынтық көлемі 170.001 МВт құрады. КЭС жобаларын іріктеу бойынша аукциондық сауда-саттықты өткізу кезінде бастапқы шекті аукциондық баға 2023 жылы 34.61 тг/кВтсағ (ҚҚС-сыз) құрады.

Сауда-саттық сессиясын өткізу барысында аукциондық сауда-саттыққа қатысушылардан алынған өтінімдердің баға диапазоны 34.61-ден 13.89 тг/кВтсағ (ҚҚС-сыз) құрады.

Бастапқы аукциондық бағадан бағаның төмендеуі 59.86% құрады, бұл КЭС жобаларын іріктеу бойынша сауда-саттықтың өткен бес күніндегі ең жоғары төмендеу болып табылады.

Аукциондық сауда-саттық қорытындысы бойынша жеңімпаз болып компания – «DALA SOLAR» ЖШС жобаның белгіленген қуаты 20 МВт, аукциондық бағасы 13.89 тг/кВт*сағ (ҚҚС-сыз) анықталды. Жобаны Түркістан облысында орналастыру жоспарлануда.

Байқаушылар ретінде Қазақстан Республикасы Энергетика министрлігінің, «Атамекен» ҰКП, «ECOJER» қазақстандық өңірлік экологиялық бастамалар қауымдастығы» ЗТБ және ЕҚДБ өкілдері қатысты. Байқаушылар аукционды ұйымдастырушының электрондық сауда жүйесінде аукциондық сауда-саттықты ұйымдастыру және өткізу жөніндегі нормативтік құқықтық актілерге толық сәйкестігін атап өтті.

Айта кетсек, ағымдағы жылы аукциондық сауда-саттықты өткізу Кестесіне сәйкес жиынтық белгіленген қуаты 100 МВт болатын КЭС түрі бойынша 5 аукцион өткізілді. КЭС түрі бойынша өткен сауда-саттықтың қорытындысы бойынша баға бастапқы бағадан екі еседен астам төмендетілді және ең төмен баға 13.89 тг/кВтсағ (ҚҚС-сыз) құрады.

Ағымдағы жылы аяқталатын келесі аукцион 2023 жылғы 30 қарашаға ҚР БЭЖ барлық аймақтары үшін жиынтық белгіленген қуаты 10 МВт БиоЭС құрылысына жобаларды іріктеу бойынша тағайындалды.

Аукциондық сауда-саттық қорытындылары туралы алғашқы жаңалықтар сауда-саттықты ұйымдастырушының ресми ресурсында және әлеуметтік желілерінде жарияланады:

Ресми сайт - https://www.korem.kz/     

Telegram - https://t.me/aokorem    

Facebook - https://www.facebook.com/korem.jsc  

Instagram - https://www.instagram.com/korem_kz/