Қазақстанда ЖЭК жобаларын іріктеу бойынша аукциондық сауда-саттық тетігі енгізілді,ол ең төмен баға бойынша неғұрлым тиімді жобаларды іріктеуге бағытталған. Бұл механизм 2018 жылға дейін қолданыста болған бекітілген тарифтердің орнына келді, олар бастапқы кезеңде ҚР-да ЖЭК секторын іске қосуға мүмкіндік берді.
«КОREМ» АҚ Қазақстан Республикасы Энергетика министрінің 2017 жылғы 7 тамыздағы №280 бұйрығы негізінде аукциондық сауда-саттық ұйымдастырушысы болып белгіленді. Біздің компания жасыл технологияларға көшу және Қазақстанда жаңартылатын энергетика үлесін арттыру бойынша біздің елімізде жүргізіліп жатқан жұмыстың бір бөлігі болуды мақтан тұтады.
«КОREМ» АҚ аукциондық сауда-саттықты дайындау және өткізу кезінде Қазақстан Республикасы Энергетика министрлігімен және ЖЭК объектілері өндіретін электр энергиясын бірыңғай сатып алушы – «ЖЭКҚ жөніндегі есеп айырысу-қаржы орталығы» ЖШС-мен белсенді өзара іс-қимыл жасайды. Біздің бірлескен командамыз Сізге аукциондық сауда-саттыққа қатысу кезінде көмек көрсетуге және қолдау көрсетуге дайын.
Осы сайтта Сізге аукциондық сауда-саттыққа дайындалу үшін және ЖЭК секторына инвестициялау туралы шешім қабылдау кезінде пайдалы болуы мүмкін барлық құжаттар – Қазақстан Республикасындағы ЖЭК секторы туралы жалпы ақпарат, ЖЭК секторындағы заңнама, аукциондық сауда-саттық қорытындылары туралы ақпарат, аукциондық сауда-саттық кестесі, сондай-ақ инвесторларға пайдалы болуы мүмкін құжаттар ұсынылған.
2022 жылдың аукциондық сауда-саттығы Қазақстан Республикасы энергетика Министрлігі бекіткен кестеге сәйкес 2022 жылдың 24 қазан - 29 қарашасы аралығында өтеді.
2022 жылы іріктеуге жоспарланған белгіленген қуаттың жиынтық көлемі электр станцияларының түрлері бойынша бөле отырып, 690 МВт құрайды:
- күн электр станциялары (КЭС) – 60 МВт;
- жел электр станциялары (ЖЭК) - 400 МВт;
- гидро электр станциялары (ГЭС) – 220 МВт;
- биоотын электр станциялары (БиоЭС) - 10 МВт.
Егер Сізде сұрақтарыңыз болса, бізге кері байланыс нысаны арқылы, электрондық пошта арқылы viekorem@korem.kz хабарласа аласыз немесе телефон арқылы:
1. Қазақстан Республикасы Энергетика Министрлігі
Құланбай Абай (7172) 743-866 (қазақ және орыс тілдері);
Омарханова Лейла (7172) 743-866 (қазақ және орыс тілдері);
Абулгазин Диас (7172) 741-474 (ағылшын тілі).
2. «КОREМ» АҚ (аукциондық сауда-саттық ұйымдастырушысы)
Айтмагамбетов Нуркуат (7172) 649-180 (қазақ және орыс тілдері);
3. «ЖЭКҚ жөніндегі ҚЕАО» ЖШС (ЖЭК объектілері өндіретін электр энергиясының бірыңғай сатып алушы)
Ахметова Замира (7172) 690-106 (қазақ және орыс тілдері).
Қазақстанда жаңадан пайдалануға берілетін генерациялайтын қондырғыларды маневрлік генерациялау режимімен салу бойынша аукциондық сауда-саттық өткізілді
2021 жылғы аукциондардың нәтижелері
